اليوم .. مرت سنه على وفاة ابوي الله يرحمه

الصراحه ... وفاته وايد وايد أثرت علي

لكن ... احاول كثر ما اقدر اني اصبّر نفسي

وأكتم في قلبي

الله يعييييييييييييييييين

 

الغالي..

      مرّت سنه على رحيله ..
سنه .. بأيامها ولياليها .. كانت كلها ذكريات ..
             سنه .. وانا اتذكره .. اتذكر ملامح وجهه ..
سنه مرت ثجيله علي .. كلها احزان بالنسبه لي ..

ماصدقت الخبر .. سمعته وماصدقته ..
        صدقته يوم شفت اهلي وشفت لحن الحياه لابسه اللبس الأسود .. ثياب العزاء !!
     وحتى ف يلستي وياهم ف العزا .. ماكنت مصدقه اللي يصير ..

ماكنت مصدقه اللي اسمعه .. !!
معقوله !! معقوله اللي صار بين يوم وليله !!
معقوله يتركني ؟! معقوله يهاجر وبدوون رجعه للأبد ؟!
         وانا اسأل عمري هالسؤال .. ألقى عقلي يجاوبني ويقول ..
يابنت .. اذكري اللــه .. محد دايم ف هالدنيا !!

انا ماقلت انه الانسان دايم ..
      لكن .. لما تحس انه هالانسان معوضنّك عن اشيا وايد فاقدنها ..
لما تحس انه هالانسان هو كل اهلك وناسك ..
        مابتقول اللي انا اقوله ؟؟! ماظن..

سنه .. مرّت هالسنه وانا اذكره فيها .. اذكره بلحظاته وايامه اللي قضاها معانا ..
      سنه وانا اسمعه يناديني .. يدلع اسمي بطريقه تفرّحني .. حتى امي مادلعتني مثل ماهو كان يدلعني !!

سنه وانا احس اني الوحيده اللي اذكره .. انا الوحيده اللي احبه .. انا الوحيده اللي قريبه منه ..
    احس انهم نسووه .. نسوا انه كان موجود من بينّا .. احزنوا على فراقه كم يوم .. وبعدين الكل عاش حياته ..
ياربي .. وين راح هالانسان اللي رواني من حنانه وعطفه ؟!

العيد ... ياااااه يالعيد ... كانت اصعب ايام .. بدون الغالي
كنا نتسابق .. منو بيسلم عليه أول ؟؟!..

كنت احس انه الوحيد اللي يحبني .. مب بس يحبني انا ..
 يحبني انا واخواني .. خاصه اختي الصغيروونه .. آخر العنقود .. كان دووم يتمصخر وياااها ويقلها: هذا ويْه ؟!

رااااح ... الغالي راااح .. هجرني ... هجر هاي الدنيا .. هجر كل الناس .. وعاش برووحه بعيد عنّاااا ..
        والله مب مصدقه للحين انه اليوم مرّت سنه ع رحيله ؟؟ سنه وهو غايب عني !!!!
ذكرااه صعبه علي والله .. والايام بدونه ماتنطاق .. حياه حزينه ومااالها طعم ولون ..

 لو دار علينا الزمن وبغينا حد يوقف ويانا مابنلقى اي حد ..
    كان هو عضيدنا مثل مايقولون .. كاان هو الي يوقف وياي .. صدق اتذكر موااااقف وسوالف واااايده ..
كنت دايماً افتح له قلبي واشكيله .. ماكنت احس بوجود اي حاجز بيني وبينه

       بعد ماسمعت خبر رحيله وعشت هاي الايام .. كنت اقول ياربي ليش هوو؟! ليش مب انا ؟!
انزين انا بفديه برووحي .. بفديه بعمري كله .. بفديه بحياااااااتي بس يكون بخير .. ويكون موجود وياناااا !!

    ابيع هاي الدنيا بكبرهاااا لكن ماشوفه يتعذب جدام عيوني .. ماشوفه يرحل ويتركني برووحي ..
ويوم اتكلم .. واقول اني اشتقتله واني اصيح ع فراقه .. يقولولي انتي مكبره الموضوع..
       انسي وعيشي حياتج .. !!!!!

انا انساه ؟! انااااا لحن الحياااااه انسى انساااان غالي علي ..؟!! لاااا والله مابنساااااه لو تطلع رووحي
بيتم غاااالي .. وبيتم اسمه محفووور فقلبي .. وبيتم طيفه يراودني وساكن بااالي ..
 بيتم الغالي اللي مافي حد يساوي غلااااه بقلبي ..

اظن الكل يتسائل .. يا ترى منو هالانسان اللي لحووونه تغليه هالكثر .. ؟؟؟؟!!!
      منو هالشخص اللي معذبها رحيله وماتشووف غيره فالدنيا ؟!!!
بقتل الفضوول اللي فيكم وبقول لكم ..

 هــذا أبـــوي الغــالــي .. اللـّــه يرحـمـه ويغـمّد روحـه الجنـّـه..
       رحـل ف مـثـل هـذا اليـوم مـن السنـه اللي طـافـت ... 2005/7/12

اسمحولي على هالفضفضه .. اقصد هالخرابيط اللي كاتبتنها .. لكنها والله نابعه من قلبي
     مب انا اللي كنت اكتب .. دمووعي اللي كتبت هالكلمااات ع خدّي اللي احترق من حرارة الفراق ..
وصدقووني .. ماكتبت هالكلمات إلا لأني محتاجه لحد يسمعني . .ويعطيني فرصه أطلع اللي شالتنه فقلبي من سنه .. !!
ياترى .. بتعطوني الفرصه وبلقى من يسمعني .. وإلا اكون غلطااااانه لاني فضفضت ؟!
 تحياتي لكل شخص وقرا فضفضتي ..